منتدايات رب المجد
سلام المسيح يملأ قلبك عزيزى الزائر
منتدايات رب المجد ترحب بك زائرا
ويسعدها ويشرفها انضمامك لها عضوا مباركا
واخا حبيبا فى اسرتنا المسيحية

اذا كان لديكم تساؤل او مشكلة فى التسجيل يرجى عمل موضوع فى قسم الشكاوى
http://rabelmagd.yoo7.com/f27-montada



تحياتنا
ادارة المنتدى


منتدايات رب المجد

تحميل افلام دينية |مسيحية |ترانيم |عظات |الحان |دراسة كتاب مقدس |قداسات |الخدمة |علم اللاهوت |تاريخ الكنيسة |سير و مدائح و اقوال اباء قديسين |برامج كمبيوتر
 
الرئيسيةالبوابةاليوميةالمنشوراتس .و .جبحـثالأعضاءالمجموعاتالتسجيلدخول

شاطر | 
 

 معجزة للانبا كاراس السائح

اذهب الى الأسفل 
كاتب الموضوعرسالة
MY LORD
Admin
Admin
avatar

رقم العضوية : 1
الجنسية : مصرى
عدد المساهمات : 2255
تاريخ التسجيل : 09/08/2010
المزاج : مبسوط

مُساهمةموضوع: معجزة للانبا كاراس السائح   الإثنين 06 يونيو 2011, 8:48 pm

معجزة عظيمة للانبا كاراس السرد لصاحبة المعجزة

في البداية المعجزة اشترك فيها قديسين كتير

القصة بدايتها أنى بعد ولادتي لابني فيلوباتير واللي تم بمعجزة برده ذكرتها قبل كده اتاخر الحمل جدا لمدة سنتين ونصف وبصراحة كنت أنا وجوزي زعلانين جدا فلجانا للدكتور اللي قال إن جوزي عنده دوالي كتيره لازم لها عملية لأنها بتأثر على الإنجاب طبعا جوزي زعل بشكل ما تتخيلهوش وعشان جوزي يخاف موت من العمليات رحنا لدكتور تانى فقاله إحنا نجرب كورس علاج لمدة 3 شهور ونشوف وفعلا ده اللي حصل وفى يوم وهو نايم شاف حلم إن فيه اتنين من الرهبان واحد لونه اسمر ودقنه بيضه وباين عليه الوقار قوى والتاني ابيض ودقنه بيضه للأسف هو مش قادر يحدد مين دول المهم راح جوزي يسلم عليهم ويا خد بركتهم بس كان زعلان بسبب موضوع الحمل وهو ماشى مسكه الأب الأبيض وقاله يا عماد ربنا هيديلك رد جوزي وهو حزين ماشى يا أبونا فقررها أبونا تانى صدقني ربنا هيديلك جوزي برده كان زعلان فرد أبونا وقاله يا عماد مش هيعدى شهر 8 إلا وربنا يديلك ودول أول اللي اشتركوا في المعجزة

تانى حاجه رحنا رحله لأديرة الصعيد ومن الأديرة الرائعة دير الشهداء بأخميم أتشفعنا هناك بكل الشهداء عشان ربنا يدينا طفل تانى ورجعنا من الرحلة وإحنا فرحانين ومرتاحين وفى الفترة دي جوزي صمم انه ما يكملش العلاج وفى يوم جوزي وهو نايم شاف انه موجود جوه كنيسة ورهبان قاعدين أخد بركتهم ولقي شماس قاعد لوحده فراح عنده وطلب منه انه يصلي له فرد الشماس وقاله أنا مين عشان اصلي لك جوزي قاله صلى لي ربنا يدينا فقاله يا عماد أول ما تقوم من النوم الصبح خلى مراتك تدهن لك بزيت شهداء اخميم مكان الدوالي 3 صلبان وربنا هيديلك جوزي قاله بس أنا مش عارف الزيت بتاع الشهداء لانى جبت زيت كتير فرد الشماس وقاله كلهم بركة بعض فقاله جوزي طيب انا هعمل تحليل اتاكد إن ربنا شفاني قاله الشماس ادهن وبعدين روح حلل على طول وفعلا عملنا كده بالظبط أول ما قام جوزي وحكى لى الحلم وراح حلل وكانت المفاجأة الدكتور قاله لايمكن التحليل الأول يكون بتاع نفس الشخص اللى عمل التحليل التانى التحليل الأول واحد لازم يعمل عملية والتحليل التانى بتاع شخص سليم ممكن يخلف مع العلم ان جوزي بطل علاج يعنى الطبيعى يبقى التحليل اسوأ من الاول وتمت المعجزه يبقى شهداء اخميم تانى اللى اشتركوا فى المعجزة

احنا متعودين انا وجوزى من 3 سنين نعمل ندر للانبا كاراس يوم 15/7 من كل سنه فى عيده
وفى يوم 10/8 عرفت انى حامل وما تتخيلوش مدى سعادتنا لانها معجزه بكل المقاييس ولما رحت للدكتور اتفاجئنا انه بيقول ان اول يوم من الحمل هو 15/7 شفتوا بقى المعجزه كمان الانبا كاراس كان معانا وبكده اتحققت الرؤيا اللى شافها جوزى انه مش هيعدى شهر 8 الا وربنا هيدينا

صلولى بقى عشان ربنا يكمل الحمل بخير وماتنسوش حفلة كبيرة يوم 15/4 ميعاد الولادة

بركه كل القديسين وشهداء اخميم والانبا كاراس تكون معاكم وتفرحكم

اذكروني في صلاتكم

_________________

[center]
للتبليغ عن رابط لا يعمل ادخل على الرابط التالى

http://rabelmagd.yoo7.com/f27-montada

ملحوظة: حتى الزوار يمكنهم عمل مواضيع فى قسم الشكاوى
و التبليغ عن الروابط التى لا تعمل و دون تسجيل فى المنتدى
الرجوع الى أعلى الصفحة اذهب الى الأسفل
http://rabelmagd.yoo7.com
 
معجزة للانبا كاراس السائح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدايات رب المجد :: أباءنا القديسين :: معجزات القديسين-
انتقل الى: